ਕੱਲ੍ਹ ਯਾਨੀ ਅਗਲੇ ਵਿੱਤੀ ਸਾਲ 2021-22 ਦੇ ਸ਼ੁਰੂ ਹੁੰਦੇ ਹੀ ਬੈਂਕ ਨਾਲ ਜੁੜੇ ਕਈ ਨਿਯਮ ਬਦਲ ਜਾਣਗੇ ਅਤੇ ਇਹਨਾਂ ਨਿਯਮਾਂ ਦੇ ਬਦਲਣ ਨਾਲ ਲੋਕਾਂ ਤੇ ਵੀ ਸਿੱਧਾ ਅਸਰ ਹੋਵੇਗਾ। ਪੈਨ ਕਾਰਡ, ਈਪੀਐਫ ਅਤੇ ਪੁਰਾਣੀ ਚੈੱਕ ਬੁੱਕ ਨੂੰ ਲੈ ਕੇ ਕੱਲ ਤੋਂ ਨਿਯਮ ਬਦਲ ਰਹੇ ਹਨ। ਨਾਲ ਹੀ 1 ਅਪ੍ਰੈਲ ਤੋਂ ਹਵਾਈ ਜਹਾਜ਼ ਵਿੱਚ ਸਫ਼ਰ ਕਰਨ ਵਾਲਿਆਂ ਦੀ ਜੇਬ ਢਿੱਲੀ ਹੋ ਸਕਦੀ ਹੈ।
ਪੈਨ ਕਾਰਡ- ਜੇ ਤੁਸੀਂ ਅੱਜ ਅਪਣੇ ਪੈਨ ਕਾਰਡ ਨੂੰ ਆਧਾਰ ਕਾਰਡ ਨਾਲ ਲਿੰਕ ਨਹੀਂ ਕਰਵਾਉਂਦੇ ਹੋ ਤਾਂ ਕੱਲ੍ਹ ਤੋਂ ਤੁਹਾਡੇ ਪੈਨ ਕਾਰਡ ਦੀ ਕੀਮਤ ਖਤਮ ਹੋ ਜਾਵੇਗਾ। ਨਾਲ ਹੀ ਜ਼ੁਰਮਾਨਾ ਵੀ ਲਗੇਗਾ। ਭਾਰਤ ਸਰਕਾਰ ਨੇ ਪਹਿਲਾਂ ਆਧਾਰ ਅਤੇ ਪੈਨ ਕਾਰਡ ਲਿੰਕ ਨਾ ਕਰਨ ਤੇ ਇਕ ਹਜ਼ਾਰ ਰੁਪਏ ਲੇਟ ਫੀਸ ਤੈਅ ਕੀਤੀ ਸੀ। ਉੱਥੇ ਹੀ ਨਵੇਂ ਸੈਕਸ਼ਨ 234H ਮੁਤਾਬਕ ਇਹਨਾਂ ਦੋਵਾਂ ਦਸਤਾਵੇਜ਼ਾਂ ਦੇ ਲਿੰਕ ਨਾ ਹੋਣ ਤੇ 1000 ਰੁਪਏ ਤਕ ਜ਼ੁਰਮਾਨਾ ਦੇਣਾ ਪਵੇਗਾ। ਇਹ ਲੇਟ ਫੀਸ ਇਕ ਬੇਅਸਰ ਪੈਨ ਕਾਰਡ ਰੱਖਣ ਤੇ ਲਗਣ ਵਾਲੀ ਪੇਨਲਟੀ ਤੋਂ ਵੱਖਰੀ ਹੋਵੇਗੀ।
ਚੈੱਕ ਬੁੱਕ- ਕੱਲ੍ਹ ਤਂ ਦੋਵਾਂ ਬੈਂਕ, ਵਿਜੈ ਬੈਂਕ, ਕਾਰਪੋਰੇਸ਼ਨ ਬੈਂਕ, ਓਰੀਐਂਟਲ ਬੈਂਕ ਆਫ ਕਾਮਰਸ, ਆਂਧਰਾ ਬੈਂਕ, ਯੂਨਾਇਟੇਡ ਬੈਂਕ ਅਤੇ ਇਲਾਹਾਬਾਦ ਬੈਂਕ ਦੀ ਪੁਰਾਣੀ ਚੈੱਕਬੁੱਕ ਵੈਧ ਨਹੀਂ ਹੋਣਗੀਆਂ। ਇਹਨਾਂ ਸਾਰੇ ਬੈਂਕਾਂ ਦਾ ਰਲੇਵਾਂ ਹੋ ਗਿਆ ਹੈ। ਇਹਨਾਂ ਬੈਂਕਾਂ ਨੇ ਅਪਣੇ ਗਾਹਕਾਂ ਨੂੰ ਨਵੀਂ ਚੈੱਕਬੁੱਕ ਜਾਰੀ ਕਰ ਦਿੱਤੀ ਹੈ। ਹਾਲਾਂਕਿ ਸਿੰਡੀਕੇਟ ਬੈਂਕ ਦੀ ਚੈੱਕਬੁੱਕ ਤੀਹ ਜੂਨ ਤਕ ਵੈਧ ਹੋਵੇਗੀ।
ਇਨਕਮ ਟੈਕਸ ਰਿਟਰਨ- ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਬਜਟ 2021 ਵਿੱਚ ਇਨਕਮ ਟੈਕਸ ਨੂੰ ਲੈ ਕੇ ਵੱਡਾ ਐਲਾਨ ਕੀਤਾ ਸੀ, ਜਿਸ ਦੇ ਮੁਤਾਬਕ ਕੱਲ੍ਹ 1 ਅਪ੍ਰੈਲ ਤੋਂ 75 ਸਾਲ ਜਾਂ ਇਸ ਤੋਂ ਜ਼ਿਆਦਾ ਉਮਰ ਦੇ ਸੀਨੀਅਰ ਨਾਗਰਿਕਾਂ ਨੂੰ ਇਨਕਮ ਟੈਕਸ ਰਿਟਰਨ ਫਾਈਲ ਕਰਨ ਤੋਂ ਛੋਟ ਮਿਲੇਗੀ।
ਟੀਡੀਐਸ- 1 ਅਪ੍ਰੈਲ ਤੋਂ ਫ੍ਰੀਲਾਂਸਰਸ, ਟੈਕਨੀਕਲ ਸਹਾਇਕ ਵਰਗੇ ਨਾਨ ਸੈਲਰੀਡ ਕਲਾਸ ਦੇ ਲੋਕਾਂ ਨੂੰ ਜ਼ਿਆਦਾ ਟੈਕਸ ਦੇਣਾ ਪੈ ਸਕਦਾ ਹੈ। ਇਹਨਾਂ ਲੋਕਾਂ ਦੀ ਕਮਾਈ ਨਾਲ 7.5 ਫ਼ੀਸਦੀ ਟੀਡੀਐਸ ਕੱਟ ਰਿਹਾ ਹੈ ਜੋ ਕਿ ਹੁਣ 10 ਫ਼ੀਸਦੀ ਹੋ ਜਾਵੇਗਾ। ਦੂਜੇ ਪਾਸੇ ਆਮਦਨੀ ਦੀ ਧਾਰਾ 206 ਬੀ ਤਹਿਤ ਜਿਹੜੇ ਲੋਕ ਰਿਟਰਨ ਨਹੀਂ ਭਰਨਗੇ, ਉਹਨਾਂ ਨੂੰ 1 ਅਪ੍ਰੈਲ ਤੋਂ ਬਾਅਦ ਦੁਗਣੀ ਟੀਡੀਐਸ ਭਰਨੀ ਪੈ ਸਕਦੀ ਹੈ।
ਈਪੀਐਫ- ਆਮਦਨ ਵਿਭਾਗ ਦੇ ਨਵੇਂ ਪ੍ਰਬੰਧਾਂ ਮੁਤਾਬਕ ਇਕ ਅਪ੍ਰੈਲ ਤੋਂ ਪੀਐਫ ਵਿੱਚ ਸਾਲਾਨਾ ਢਾਈ ਲੱਖ ਤੋਂ ਜ਼ਿਆਦਾ ਜਮ੍ਹਾਂ ਤੇ ਮਿਲਣ ਵਾਲੇ ਵਿਆਜ਼ ਤੇ ਟੈਕਸ ਲਗੇਗਾ। ਵੱਡੀ ਗੱਲ ਇਹ ਹੈ ਕਿ ਦੋ ਲੱਖ ਰੁਪਏ ਹਰ ਮਹੀਨੇ ਤੋਂ ਜ਼ਿਆਦਾ ਤਨਖ਼ਾਹ ਲੈਣ ਵਾਲੇ ਲੋਕ ਵੀ ਇਸ ਦੇ ਦਾਇਰੇ ਵਿੱਚ ਆਉਣਗੇ।
ਸ਼ਹਿਰੀ ਹਵਾਬਾਜ਼ੀ ਦੇ ਡਾਇਰੈਕਟੋਰੇਟ ਜਨਰਲ ਨੇ ਏਅਰਪੋਰਟ ਸੁਰੱਖਿਆ ਫੀਸ ਵਧਾ ਦਿੱਤੀ ਹੈ। ਹਵਾਈ ਅੱਡੇ ਦੀ ਸੁਰੱਖਿਆ ਫੀਸ ਵਿਚ ਘਰੇਲੂ ਯਾਤਰੀਆਂ ਲਈ 40 ਰੁਪਏ ਅਤੇ ਅੰਤਰਰਾਸ਼ਟਰੀ ਯਾਤਰੀਆਂ ਲਈ 114.38 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ। ਨਵੀਆਂ ਦਰਾਂ 1 ਅਪ੍ਰੈਲ 2021 ਜਾਂ 1 ਅਪ੍ਰੈਲ ਤੋਂ ਬਾਅਦ ਜਾਰੀ ਕੀਤੀਆਂ ਟਿਕਟਾਂ ‘ਤੇ ਲਾਗੂ ਹੋਣਗੀਆਂ। ਹਵਾਈ ਅੱਡੇ ਦੀ ਸੁਰੱਖਿਆ ਫੀਸ ਲਗਭਗ ਸਾਰੇ ਯਾਤਰੀਆਂ ਤੋਂ ਇਕੱਠੀ ਕੀਤੀ ਜਾਂਦੀ ਹੈ।
ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਸਟੀਲ ਦੀਆਂ ਕੀਮਤਾਂ ਵਿਚ ਹੋਏ ਵਾਧੇ ਦੇ ਮੱਦੇਨਜ਼ਰ ਘਰੇਲੂ ਕੀਮਤ ਵਿਚ ਵੀ 1 ਅਪ੍ਰੈਲ ਤੋਂ ਵਾਧਾ ਕੀਤਾ ਜਾ ਸਕਦਾ ਹੈ। ਜੇਐਸਡਬਲਯੂ ਸਟੀਲ, ਜੇਐਸਪੀਐਲ, ਐਮ/ਐਨਐਸ ਅਤੇ ਟਾਟਾ ਸਟੀਲ ਹੌਟ ਰੋਲਡ ਕੋਇਲ (ਐਚਆਰਸੀ) ਦੀਆਂ ਕੀਮਤਾਂ ਵਿਚ ਚਾਰ ਹਜ਼ਾਰ ਰੁਪਏ ਦਾ ਵਾਧਾ ਹੋ ਸਕਦਾ ਹੈ। ਘਰੇਲੂ ਬਜ਼ਾਰ ਵਿਚ ਕੱਚੇ ਮਾਲ ਵਿਚ ਤੇਜ਼ੀ ਨਾਲ ਵਾਧੇ ਅਤੇ ਓਡੀਸ਼ਾ ਵਿਚ ਉਤਪਾਦਨ ਵਿਚ ਗਿਰਾਵਟ ਸਟੀਲ ਦੀਆਂ ਕੀਮਤਾਂ ਵਿਚ ਵਾਧਾ ਹੋ ਰਿਹਾ ਹੈ।