ਲੁਧਿਆਣਾ ਕੋਰਟ ਬਲਾਸਟ ਦੀ ਲਗਾਤਾਰ ਜਾਂਚ ਕਰ ਰਹੀ ਐਨਆਈਏ ਟੀਮ ਨੇ ਮਾਰੇ ਗਏ ਵਿਅਕਤੀ ਦੀ ਸ਼ਨਾਖ਼ਤ ਹੁੰਦੇ ਸਾਰ ਹੀ ਕੱਲ੍ਹ ਖੰਨਾ ਸਥਿਤ ਗਗਨ ਦੇ ਘਰ ਪਹੁੰਚੀ ਤੇ ਕਈ ਘੰਟੇ ਘਰ ਦੀ ਤਲਾਸ਼ੀ ਕੀਤੀ ਗਈ। ਇਸ ਤੋਂ ਬਾਅਦ ਪੁਲਿਸ ਗਗਨਦੀਪ ਦੇ ਭਰਾ ਨੂੰ ਜਾਂਚ ਅਤੇ ਪੁੱਛਗਿੱਛ ਲਈ ਆਪਣੇ ਨਾਲ ਲੈ ਗਈ।
ਮਿਲੀ ਜਾਣਕਾਰੀ ਮੁਤਾਬਕ ਗਗਨ ਬਤੌਰ ਮੁਨਸ਼ੀ ਸਦਰ ਥਾਣਾ ਖੰਨਾ ਵਿੱਚ ਤਾਇਨਾਤ ਸੀ ਤੇ ਸਾਲ 2019 ਵਿੱਚ ਐਸਟੀਐਫ ਵੱਲੋਂ ਉਸ ਦੇ ਕੋਲੋਂ ਨਸ਼ੀਲਾ ਪਦਾਰਥ ਬਰਾਮਦ ਕੀਤਾ ਗਿਆ ਸੀ। ਜਿਸ ਤੋਂ ਬਾਅਦ ਉਹ 2 ਸਾਲ ਲੁਧਿਆਣਾ ਜੇਲ੍ਹ ਵਿੱਚ ਵੀ ਰਿਹਾ ਤੇ ਕੁਝ ਮਹੀਨੇ ਪਹਿਲਾਂ ਹੀ ਬੇਲ ਤੇ ਬਾਹਰ ਆਇਆ ਸੀ। ਇਹ ਵੀ ਪਤਾ ਲੱਗਾ ਹੈ ਕਿ ਉਸ ਥਾਂ ‘ਤੇ ਵੱਡਾ ਧਮਾਕਾ ਕਰਨ ਦੀ ਯੋਜਨਾ ਸੀ ,ਕਿਉੰਕਿ ਦੂਜੀ ਮੰਜ਼ਿਲ ‘ਤੇ ਹੀ ਅਦਾਲਤ ਸੀ, ਜਿੱਥੇ ਗਗਨ ਦੀ ਪੇਸ਼ੀ ਹੁੰਦੀ ਸੀ ਤੇ ਓਥੇ ਹੀ ਉਸਦਾ ਰਿਕਾਰਡ ਰੂਮ ਸੀ।
ਇਸੇ ਲਈ ਉਸਦੇ ਵੱਲੋਂ ਦੂਜੀ ਮੰਜ਼ਿਲ ਨੂੰ ਨਿਸ਼ਾਨਾ ਬਣਾਇਆ ਗਿਆ ਤਾਂਕਿ ਕਿ ਰਿਕਾਰਡ ਸਮੇਤ ਪੂਰੀ ਮੰਜ਼ਿਲ ਨੂੰ ਹੀ ਉਡਾ ਦਿੱਤਾ ਜਾਵੇ ਪਰ ਬੰਬ ਇੰਸਟਾਲ ਕਰਦੇ ਸਮੇਂ ਹੀ ਕਿਸੇ ਗਲਤੀ ਕਰਕੇ ਓਹ ਬਲਾਸਟ ਹੋ ਗਿਆ ,ਜਿਸਦੇ ਵਿਚ ਗਗਨ ਦੀ ਮੌਤ ਹੋ ਗਈ।
ਜਿਸ ਦਿਨ ਬਲਾਸਟ ਹੋਇਆ ਉਸ ਤੋਂ ਕੁਝ ਦਿਨ ਪਹਿਲਾਂ ਹੀ ਇਸਦੀ ਪੇਸ਼ੀ ਹੋਈ ਸੀ ਤੇ ਮਾਮਲਾ ਦਾ ਫ਼ੈਸਲਾ ਆਉਣਾ ਬਾਕੀ ਸੀ। ਇਸੇ ਲਈ ਇਹ ਪਲਾਨਿੰਨ ਕੀਤੀ ਗਈ ਸੀ। ਓਧਰ ਹੁਣ ਇਸ ਮਾਮਲੇ ਦੇ ਤਾਰ ਲੁਧਿਆਣਾ ਜੇਲ੍ਹ ਨਾਲ ਵੀ ਜੁੜਦੇ ਨਜ਼ਰ ਆ ਰਹੇ ਨੇ ਕਿਉੰਕਿ ਜਲਾਲਾਬਾਦ ਬਾਈਕ ਬਲਾਸਟ ਦੇ ਮੁਲਜ਼ਮ ਵੀ ਇਸੇ ਜੇਲ ਵਿਚ ਬੰਦ ਨੇ ਤੇ ਗਗਨ ਵੀ ਓਥੇ ਹੀ ਕਰੀਬ 2 ਸਾਲ ਰਿਹਾ ਸੀ।