ਫ਼ੌਜੀ ਕੰਟੀਨਾਂ ਨੂੰ ਲੈ ਕੇ ਕੇਂਦਰ ਸਰਕਾਰ ਦਾ ਵੱਡਾ ਫ਼ੈਸਲਾ, ਕੰਟੀਨ ’ਚ ਹੁਣ ਨਹੀਂ ਮਿਲੇਗਾ ਇਹ ਸਮਾਨ…
ਕੇਂਦਰ ਸਰਕਾਰ ਨੇ ਫ਼ੌਜੀ ਕਰੀਬ 4000 ਦੁਕਾਨਾਂ/ਕੰਟੀਨਾਂ ਨੂੰ ਲੈ ਕੇ ਇਹ ਫ਼ੈਸਲਾ ਲਿਆ ਹੈ ਕਿ ਉਹ ਹੁਣ ਵਿਦੇਸ਼ੀ ਸਾਮਾਨ ਦੀ ਖਰੀਦ ਨਾ ਕਰਨ। ਜਾਣਕਾਰੀ ਮੁਤਾਬਕ ਇਸ ਸੂਚੀ ਵਿੱਚ ਵਿਦੇਸ਼ੀ ਸ਼ਰਾਬ ਦਾ ਨਾਂ ਵੀ ਸ਼ਾਮਲ ਹੋ ਸਕਦਾ ਹੈ। ਸਰਕਾਰ ਦੇ ਇਸ ਹੁਕਮ ਤੋਂ ਬਾਅਦ ਵਿਦੇਸ਼ੀ ਸ਼ਰਾਬ ਕੰਪਨੀਆਂ ਦੇ ਕਾਰੋਬਾਰੀ ਰਿਸ਼ਤਿਆਂ ਤੇ ਅਸਰ ਪੈ ਸਕਦਾ ਹੈ।
ਇਕ ਸਮਾਚਾਰ ਏਜੰਸੀ ਮੁਤਾਬਕ ਸਰਕਾਰ ਵੱਲੋਂ ਫ਼ੌਜੀ ਕੰਟੀਨ ਲਈ ਜਾਰੀ ਹੁਕਮ ਵਿੱਚ ਇਹ ਸਾਫ਼ ਨਹੀਂ ਕੀਤਾ ਗਿਆ ਕਿ ਕਿਹੜਾ ਉਤਪਾਦ ਇਸ ਦੇ ਦਾਇਰੇ ਵਿੱਚ ਆਉਣਗੇ। ਵਿਦੇਸ਼ੀ ਸ਼ਰਾਬ ਵੀ ਇਸ ਦਾਇਰੇ ‘ਚ ਹੋ ਸਕਦੀ ਹੈ। ਫੌਜੀਆਂ ਦੀ ਕੰਟੀਨ ‘ਚ ਸ਼ਰਾਬ, ਇਲੈਕਟ੍ਰੋਨਿਕਸ ਅਤੇ ਹੋਰ ਸਾਮਾਨ ਨੂੰ ਸੈਨਿਕਾਂ, ਸਾਬਕਾ ਸੈਨਿਕਾਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਰਿਵਾਇਤੀ ਕੀਮਤਾਂ ‘ਤੇ ਵੇਚਿਆ ਜਾਂਦਾ ਹੈ।
ਇਨ੍ਹਾਂ ਕੰਟੀਨਾਂ ‘ਚ ਸਾਲਾਨਾ ਕਰੀਬ 2 ਅਰਬ ਡਾਲਰ ਤੋਂ ਜ਼ਿਆਦਾ ਮੁੱਲ ਦੀ ਵਿਕਰੀ ਹੁੰਦੀ ਹੈ। ਇਹ ਦੇਸ਼ ਦੀ ਸਭ ਤੋਂ ਵੱਡੀ ਰਿਟੇਲ ਚੈਨ ਵਿਚੋਂ ਇਕ ਹੈ। ਖ਼ਬਰਾਂ ਮੁਤਾਬਕ ਰੱਖਿਆ ਵਿਭਾਗ ਦੇ 19 ਅਕਤੂਬਰ ਨੂੰ ਦਿੱਤੇ ਗਏ ਹੁਕਮਾਂ ਵਿੱਚ ਕਿਹਾ ਹੈ ਕਿ ਭਵਿੱਖ ਵਿੱਚ ਵਿਦੇਸ਼ੀ ਚੀਜ਼ਾਂ ਖਰੀਦੀਆਂ ਨਹੀਂ ਜਾਣਗੀਆਂ।
ਹੁਕਮਾਂ ਵਿੱਚ ਕਿਹਾ ਗਿਆ ਹੈ ਕਿ ਇਸ ਮੁੱਦੇ ਤੇ ਮਈ ਤੋਂ ਜੁਲਾਈ ਵਿੱਚ ਫੌਜ, ਹਵਾਈ ਫੌਜ ਤੇ ਨੇਵੀ ਫੌਜ ਨਾਲ ਵਿਚਾਰ ਵਟਾਂਦਰੇ ਕੀਤੇ ਗਏ ਹਨ। ਇਸ ਦਾ ਉਦੇਸ਼ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਘਰੇਲੂ ਚੀਜ਼ਾਂ ਨੂੰ ਉਤਸ਼ਾਹਤ ਕਰਨ ਦੀ ਮੁਹਿੰਮ ਦੀ ਹਮਾਇਤ ਕਰਨਾ ਸੀ।
ਸਰਕਾਰ ਵਲੋਂ ਵੰਡ ਪ੍ਰਾਪਤ ਸੰਸਥਾ ਦੇ ਰੱਖਿਆ ਅਧਿਐਨ ਅਤੇ ਵਿਸ਼ਲੇਸ਼ਣ (ਆਈ. ਡੀ. ਐੱਸ. ਏ) ਦੇ 1 ਅਗਸਤ ਦੇ ਖੋਜ ਕਲਮ ਮੁਤਾਬਕ, ਕੁਝ ਵਿਕਰੀ ਮੁੱਲ ਦਾ ਲਗਭਗ 6-7 ਪ੍ਰਤੀਸ਼ਤ ਰੱਖਿਆ ਦੁਕਾਨਾਂ ਜਾਂ ਮਿਲਟਰੀ ਕੰਟੀਨਾਂ ‘ਚ ਆਯਾਤ ਕੀਤਾ ਜਾਂਦਾ ਹੈ। ਇਨ੍ਹਾਂ ‘ਚ ਚੀਨੀ ਉਤਪਾਦ ਜਿਵੇਂ ਕਿ ਡਾਇਪਰ, ਵੈਕਕਿਊਮ ਕਲੀਨਰ, ਹੈਂਡਬੈਗ ਤੇ ਲੈਪਟੌਪ ਵੀ ਸ਼ਾਮਲ ਹਨ।
