ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ ਰਾਮ ਮੰਦਰ ਲਈ ਇੰਨੇ ਰੁਪਏ ਦਾ ਦਿੱਤਾ ਚੈੱਕ

ਰਾਮ ਮੰਦਰ ਦੀ ਤਿਆਰੀ ਜ਼ੋਰਾਂ-ਸ਼ੋਰਾਂ ’ਤੇ ਚੱਲ ਰਹੀ ਹੈ। ਇਸ ਦੇ ਲਈ ਹੁਣ ਤਕ 2500 ਕਰੋੜ ਰੁਪਏ ਇਕੱਤਰ ਹੋ ਗਏ ਹਨ। ਅਗਲੇ ਤਿੰਨ ਸਾਲਾਂ ਵਿੱਚ ਰਾਮ ਮੰਦਰ ਦਾ ਨਿਰਮਾਣ ਕਾਰਜ ਪੂਰਾ ਹੋਣ ਦੀ ਉਮੀਦ ਹੈ। ਰਾਮ ਮੰਦਰ ਦੀ ਉਸਾਰੀ ਦੀ ਤਿਆਰੀ ਦੀ ਜਾਣਕਾਰੀ ਸ਼੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਦੇ ਜਨਰਲ ਸਕੱਤਰ ਚੰਪਤ ਰਾਏ ਨੇ ਦਿੱਤੀ।

ਉੱਥੇ ਹੀ ਵੱਡੀ ਖ਼ਬਰ ਇਹ ਹੈ ਕਿ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਆਯੋਧਿਆ ਰਾਮ ਮੰਦਰ ਦੀ ਉਸਾਰੀ ਲਈ 2 ਲੱਖ ਰੁਪਏ ਦਾਨ ਵਜੋਂ ਦਿੱਤੇ ਹਨ। ਉਹਨਾਂ ਨੇ ਰਕਮ ਦਾ ਚੈੱਕ ਮੰਦਰ ਨਿਰਮਾਣ ਕਮੇਟੀ ਦੇ ਅਧਿਕਾਰੀਆਂ ਨੂੰ ਸੌਂਪਿਆ ਹੈ। ਉੱਥੇ ਹੀ ਹੋਰਨਾਂ ਸੂਬਿਆਂ ਤੋਂ ਵੀ ਪੈਸੇ ਦਾਨ ਕੀਤੇ ਗਏ ਹਨ।

ਰਾਜਸਥਾਨ ਨੇ ਵੀ ਮੰਦਰ ਲਈ ਰਕਮ ਦਾਨ ਕੀਤੀ ਹੈ। ਤਮਿਲਨਾਡੂ ਤੋਂ 85 ਕਰੋੜ, ਕੇਰਲਾ ਤੋਂ 13 ਕਰੋੜ ਪ੍ਰਾਪਤ ਹੋਏ ਹਨ। ਉੱਥੇ ਹੀ ਉੱਤਰ-ਪੂਰਬੀ ਰਾਜਾਂ ‘ਚ ਅਰੁਣਾਚਲ ਪ੍ਰਦੇਸ਼ ਤੋਂ 4.5 ਕਰੋੜ, ਮਨੀਪੁਰ ਤੋਂ 2 ਕਰੋੜ, ਮਿਜ਼ੋਰਮ ਤੋਂ 21 ਲੱਖ, ਨਾਗਾਲੈਂਡ ਤੋਂ 28 ਲੱਖ ਅਤੇ ਮੇਘਾਲਿਆ ਤੋਂ 85 ਲੱਖ ਰੁਪਏ ਪ੍ਰਾਪਤ ਹੋਏ ਹਨ।