News

ਜੰਮੂ ਕਸ਼ਮੀਰ ਟੈਕਨੀਕਲ ਏਰੀਆ ’ਚ ਦੋ ਧਮਾਕੇ, ਬੰਬ ਡਿਸਪੋਜ਼ਲ ਟੀਮ ਤੇ ਫੋਰੈਂਸਿਕ ਟੀਮ ਮੌਕੇ ‘ਤੇ

ਜੰਮੂ ਦੇ ਤਕਨੀਕੀ ਏਅਰਪੋਰਟ ਦਫ਼ਤਰ ਵਿੱਚ ਦੇਰ ਰਾਤ ਦੋ ਵਜੇ ਦੇ ਕਰੀਬ ਦੋ ਧਮਾਕੇ ਹੋਏ ਹਨ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਵਿਸਫੋਟ ਭਾਰਤੀ ਹਵਾਈ ਫੌਜ ਰਾਹੀਂ ਸੰਚਾਲਿਤ ਦੋਹਰੇ ਵਰਤੋਂ ਵਾਲੇ ਹਵਾਈ ਅੱਡੇ ਦੇ ਇੱਕ ਹਿੱਸੇ ਵਿੱਚ ਹੋਇਆ। ਬੰਬ ਡਿਸਪੋਜ਼ਲ ਸਕੁਐਡ ਦੀ ਇਕ ਟੀਮ ਧਮਾਕੇ ਵਾਲੀ ਥਾਂ ‘ਤੇ ਪਹੁੰਚ ਗਈ ਹੈ। ਹਵਾਈ ਫੌਜ ਵੱਲੋਂ ਇੱਕ ਜਾਰੀ ਕੀਤੇ ਬਿਆਨ ਵਿੱਚ ਕਿਹਾ ਗਿਆ ਕਿ ਜੰਮੂ ਹਵਾਈ ਸਟੇਸ਼ਨ ਦੇ ਤਕਨੀਕੀ ਖੇਤਰ ਵਿੱਚ ਐਤਵਾਰ ਤੜਕੇ ਦੋ ਘੱਟ-ਤੀਬਰ ਧਮਾਕਿਆਂ ਦੀ ਖ਼ਬਰ ਮਿਲੀ ਹੈ।

Two low intensity explosions at Jammu Air Force Station - Social News XYZ

ਇਕ ਧਮਾਕੇ ਨਾਲ ਇਕ ਇਮਾਰਤ ਦੀ ਛੱਤ ਨੂੰ ਮਾਮੂਲੀ ਨੁਕਸਾਨ ਹੋਇਆ ਹੈ। ਦੂਜਾ ਵਿਸਫੋਟ ਖੁੱਲ੍ਹੇ ਖੇਤਰ ਵਿੱਚ ਹੋਇਆ ਹੈ। ਕਿਸੇ ਵੀ ਚੀਜ਼ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ। ਧਮਾਕੇ ਵਿੱਚ ਕਿਸੇ ਵੀ ਕਰਮਚਾਰੀ ਨੂੰ ਕੋਈ ਸੱਟ ਨਹੀਂ ਲੱਗੀ। ਇਸ ਦੇ ਨਾਲ ਹੀ ਜੇ ਸੂਤਰਾਂ ਦੀ ਮੰਨੀਏ ਤਾਂ ਜੰਮੂ ਏਅਰਬੇਸ ‘ਤੇ ਡਰੋਨ ਦੇ ਹਮਲੇ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਧਮਾਕਿਆਂ ਦੀ ਜਾਂਚ ਹਰ ਪਹਿਲੂ ਨੂੰ ਧਿਆਨ ਵਿਚ ਰੱਖਦਿਆਂ ਕੀਤੀ ਜਾ ਰਹੀ ਹੈ।

ਪੁਲਿਸ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ ਹੁਣ ਤੱਕ ਦੀ ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਕੋਈ ਬਾਹਰ ਤੋਂ ਅੰਦਰ ਦਾਖਲ ਨਹੀਂ ਹੋਇਆ। ਪੁਲਿਸ ਨੇ ਕਿਹਾ ਕਿ ਮਾਮਲੇ ਵਿੱਚ ਹਵਾਈ ਫ਼ੌਜ ਵੱਲੋਂ ਅਜੇ ਤੱਕ ਕਥਿਤ ਸੂਚਨਾ ਦਰਜ ਨਹੀਂ ਕਰਵਾਈ ਗਈ। ਜੰਮੂ ਹਵਾਈ ਅੱਡੇ ਦਾ ਰਨਵੇ ਅਤੇ ਹਵਾਈ ਟ੍ਰੈਫਿਕ ਕੰਟਰੋਲ ਭਾਰਤੀ ਹਵਾਈ ਸੈਨਾ ਦੇ ਨਿਯੰਤਰਣ ਅਧੀਨ ਹੈ ਅਤੇ ਯਾਤਰੀਆਂ ਦੀਆਂ ਉਡਾਣਾਂ ਨੂੰ ਚਲਾਉਣ ਲਈ ਵੀ ਇਸਤੇਮਾਲ ਕੀਤਾ ਜਾਂਦਾ ਹੈ। ਇਹ ਧਮਾਕਾ ਭਾਰਤੀ ਹਵਾਈ ਸੈਨਾ ਦੁਆਰਾ ਸੰਚਾਲਿਤ ਦੋਹਰੇ ਵਰਤੋਂ ਵਾਲੇ ਹਵਾਈ ਅੱਡੇ ਦੇ ਇੱਕ ਹਿੱਸੇ ਵਿੱਚ ਹੋਇਆ।

Click to comment

Leave a Reply

Your email address will not be published.

Most Popular

To Top