ਜੀਐਮਐਸਐਚ-16 ਵਿੱਚ ਓਪੀਡੀ ਦੇ ਮਰੀਜ਼ਾਂ ਨੂੰ ਵੱਡੀ ਰਾਹਤ! ਕਤਾਰਾਂ ’ਚ ਖੜ ਨਹੀਂ ਕਰਨਾ ਪਵੇਗਾ ਇੰਤਜ਼ਾਰ

ਜੀਐਮਐਸਐਚ-16 ਵਿੱਚ ਓਪੀਡੀ ਰਜਿਸਟ੍ਰੇਸ਼ਨ ਲਈ ਸਕੈਨ ਅਤੇ ਸ਼ੇਅਰ ਸੈਲਫ ਰਜਿਸਟਰ੍ਰੇਸ਼ਨ ਸਹੂਲਤ ਸ਼ੁਰੂ ਕੀਤੀ ਗਈ ਹੈ। ਇਸ ਦੀ ਮਦਦ ਨਾਲ ਹੁਣ ਓਪੀਡੀ ਦੇ ਮਰੀਜ਼ਾਂ ਨੂੰ ਕਾਰਡ ਬਣਾਉਣ ਲਈ ਲੰਬੀਆਂ ਕਤਾਰਾਂ ਵਿੱਚ ਖੜਨਾ ਨਹੀਂ ਪਵੇਗਾ। ਸਹੂਲਤ ਦਾ ਲਾਭ ਲੈਣ ਲਈ ਮਰੀਜ਼ ਕੋਲ ਇੱਕ ਸਮਾਰਟ ਫੋਨ ਅਤੇ ਇੱਕ ਆਯੁਸ਼ਨ ਭਾਰਤ ਹੈਲਥ ਅਕਾਊਂਟ ਆਈਡੀ ਜਾਂ ਓਟੀਪੀ ਆਧਾਰਿਤ ਰਜਿਸਟ੍ਰੇਸ਼ਨ ਮੋਬਾਇਲ ਨੰਬਰ ਨਾਲ ਜੁੜੀ ਹੋਣੀ ਚਾਹੀਦੀ ਹੈ।

ਇਹ ਕਿਸੇ ਵੀ ਐਂਡਰਾਇਡ ਸਮਾਰਟਫੋਨ ਲਈ ਪਲੇਅ ਸਟੋਰ ਤੋਂ ਏਬੀਐਚਏ ਐਪ ਨੂੰ ਡਾਊਨਲੋਡ ਕਰਕੇ ਕੀਤਾ ਜਾ ਸਕਦਾ ਹੈ। ਏਬੀਐਚਏ/ਆਈਡੀ ਨੰਬਰ ਦੀ ਵਰਤੋਂ ਕਰਕੇ ਐਪ ਵਿੱਚ ਰਜਿਸਟਰ ਕਰਨ ਅਤੇ ਲਾਗਇਨ ਕਰਨ ਤੋਂ ਬਾਅਦ ਮਰੀਜ਼ ਦਾ ਪ੍ਰੋਫਾਇਲ ਡਾਟਾ ਸਿਰਫ਼ ਇੱਕ ਵਾਰ ਭਰਿਆ ਜਾਣਾ ਚਾਹੀਦਾ ਹੈ।

ਆਨਲਾਈਨ ਰਜਿਸਟ੍ਰੇਸ਼ਨ ਲਈ ਹਸਪਤਾਲ ‘ਚ ਕਿਊ. ਆਰ. ਕੋਡ ਨੂੰ ਸਕੈਨ ਕਰਨ ਤੋਂ ਬਾਅਦ ਮਰੀਜ਼ ਦਾ ਪ੍ਰੋਫਾਈਲ ਡਾਟਾ ਆਪਣੇ ਆਪ ਹਸਪਤਾਲ ਦੇ ਸਾਫਟਵੇਅਰ ‘ਚ ਤਬਦੀਲ ਹੋ ਜਾਵੇਗਾ, ਜਿਸ ਤੋਂ ਬਾਅਦ ਮਰੀਜ਼ ਦੇ ਨਾਲ ਇਕ ਟੋਕਨ ਨੰਬਰ ਤਿਆਰ ਕੀਤਾ ਜਾਵੇਗਾ, ਜੋ ਕਿ 30 ਮਿੰਟ ਲਈ ਵੈਧ ਹੋਵੇਗਾ। ਮਰੀਜ਼ ਨੂੰ ਉਹ ਟੋਕਨ ਨੰਬਰ ਆਪਰੇਟਰ ਨੂੰ ਦਿਖਾਉਣਾ ਹੁੰਦਾ ਹੈ, ਜਿਸ ਤੋਂ ਬਾਅਦ ਉਹ ਉੱਥੋਂ ਸਿੱਧਾ ਓ. ਪੀ. ਡੀ. ਕਾਰਡ ਲੈ ਕੇ ਡਾਕਟਰ ਕੋਲ ਜਾ ਸਕਦਾ ਹੈ।

ਫਿਲਹਾਲ ਇਹ ਸਹੂਲਤ ਰਜਿਸਟ੍ਰੇਸ਼ਨ ਨੰਬਰ 15 ’ਤੇ ਸ਼ੁਰੂ ਕੀਤੀ ਗਈ ਹੈ। ਲੋਕਾਂ ਦਾ ਰਿਸਪਾਂਸ ਦੇਖਣ ਤੋਂ ਬਾਅਦ ਇਸ ਨੂੰ ਹੋਰ ਕਾਊਂਟਰਾਂ ’ਤੇ ਵੀ ਚਾਲੂ ਕਰ ਦਿੱਤਾ ਜਾਵੇਗਾ। ਜੀਐਮਐਸਐਚਓਪੀਡੀ ਵਿੱਚ ਈ ਸੰਪਰਕ ਕੇਂਦਰ ਰਾਹੀਂ ਰਜਿਸਟ੍ਰੇਸ਼ਨ ਦੀ ਸਹੂਲਤ ਵੀ ਚੱਲ ਰਹੀ ਹੈ। ਮਰੀਜ਼ ਕਿਸੇ ਵੀ ਕੇਂਦਰ ਵਿੱਚ ਜਾ ਕੇ ਆਪਣਾ ਓਪੀਡੀ ਰਜਿਸਟ੍ਰੇਸ਼ਨ ਕਾਰਡ ਲਿਆ ਸਕਦਾ ਹੈ। ਅਜਿਹੇ ਵਿੱਚ ਉਹਨਾਂ ਨੂੰ ਹਸਪਤਾਲ ਦੀਆਂ ਲੰਬੀਆਂ ਲਾਈਨਾਂ ਵਿੱਚ ਨਹੀਂ ਖੜਨਾ ਪਵੇਗਾ।