ਪੰਜਾਬ ਦੇ ਰੋਪੜ ਵਿੱਚ ਕੰਗਨਾ ਰਣੌਤ ਦਾ ਜ਼ਬਰਦਸਤ ਵਿਰੋਧ ਕੀਤਾ ਗਿਆ ਹੈ। ਕਿਸਾਨਾਂ ਵੱਲੋਂ ਕੰਗਨਾਂ ਰਣੌਤ ਨੂੰ ਘੇਰ ਕੇ ਮੁਆਫੀ ਮੰਗਣ ਲਈ ਮਜ਼ਬੂਰ ਕੀਤਾ ਗਿਆ। ਉਧਰ ਇਸ ਤੋਂ ਪਹਿਲਾਂ ਕੰਗਨਾ ਰਣੌਤ ਨੇ ਆਪਣੀ ਗੱਡੀ ਵਿੱਚੋਂ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ ਤੇ ਕੁੱਝ ਵੀਡੀਓਜ਼ ਪੋਸਟ ਕੀਤੀਆਂ ਹਨ ਜਿਸ ਵਿੱਚ ਕੰਗਨਾ ਕਿਸਾਨਾਂ ਤੋਂ ਮੁਆਫੀ ਮੰਗਦੀ ਸੁਣਾਈ ਦੇ ਰਹੀ ਹੈ।
ਪਰ ਪਹਿਲਾਂ ਤੁਸੀਂ ਉਹ ਵੀਡੀਓਜ਼ ਦੇਖੋ ਜਦੋਂ ਕਿਸਾਨਾਂ ਵੱਲੋਂ ਕੰਗਨਾਂ ਦਾ ਵਿਰੋਧ ਕੀਤਾ ਜਾ ਰਿਹਾ ਸੀ ਅਤੇ ਕੰਗਨਾ ਨੇ ਵੀਡੀਓ ਗੱਡੀ ਦੇ ਅੰਦਰੋਂ ਪੋਸਟ ਕੀਤੀ ਸੀ। ਇਸ ਤੋਂ ਬਾਅਦ ਕੰਗਨਾ ਕਿਸਾਨ ਬੀਬੀਆਂ ਤੋਂ ਮੁਆਫੀ ਮੰਗਦੀ ਦਿਖਾਈ ਦਿੱਤੀ, ਕੰਗਨਾ ਨੇ ਕਿਹਾ ਕਿ ਉਨ੍ਹਾਂ ਨੇ 100-100 ਰੁਪਏ ਤੇ ਦਿਹਾੜੀ ਵਾਲੀਆਂ ਕਿਸਾਨ ਬੀਬੀਆਂ ਨੂੰ ਨਹੀਂ ਸਗੋਂ ਸ਼ਾਹੀਨ ਬਾਗ ਵਾਲਿਆਂ ਨੂੰ ਕਿਹਾ ਸੀ।
ਦੱਸ ਦਈਏ ਕਿ ਕੰਗਨਾ ਰਣੌਤ ਨੂੰ ਅੱਜ ਕਿਸਾਨਾਂ ਨੇ ਰੂਪਨਗਰ ਦੇ ਬੁੰਗਾ ਸਾਹਿਬ ਵਿਖੇ ਘੇਰ ਲਿਆ ਸੀ, ਜਿਥੇ ਕਿ ਕੰਗਨਾ ਰਣੌਤ ਦਾ ਵੱਡੀ ਪੱਧਰ ਤੇ ਵਿਰੋਧ ਕੀਤਾ ਗਿਆ। ਕਿਸਾਨਾਂ ਨੇ ਕੰਗਨਾ ਦੀ ਗੱਡੀ ਨੂੰ ਘੇਰਾ ਪਾ ਲਿਆ ਅਤੇ ਉਸ ਖਿਲਾਫ ਨਾਅਰੇਬਾਜ਼ੀ ਕਰਦਿਆਂ ਉਸਦੀ ਗੱਡੀ ਦੀ ਨੰਬਰ ਪਲੇਟ ਤੱਕ ਤੋੜ ਦਿੱਤੀ ਸੀ, ਜਿਸ ਤੋਂ ਬਾਅਦ ਕੰਗਨਾਂ ਨੂੰ ਮੁਆਫੀ ਮੰਗਵਾ ਕੇ ਉਥੋਂ ਜਾਣ ਦਿੱਤਾ ਗਿਆ।