News

ਕੇਜਰੀਵਾਲ ਦੇ ਮੁਫ਼ਤ ਬਿਜਲੀ ਦੇ ਐਲਾਨ ਦਾ ਅਕਾਲੀ ਦਲ ਨੂੰ ਲੱਗਿਆ ਕਰੰਟ

ਆਪ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਦੇ ਪਾਵਰ ਪਲਾਨ ਨੇ ਪੰਜਾਬ ਦੀ ਸਿਆਸਤ ਨੂੰ 440 ਵੋਲਟ ਦਾ ਕਰੰਟ ਲਾ ਦਿੱਤਾ ਹੈ। ਵਿਰੋਧੀ ਧਿਰਾਂ ਕੱਲ੍ਹ ਦੁਪਹਿਰ ਤੋਂ ਹੀ ਕੇਜਰੀਵਾਲ ਦੇ ਪਿੱਛੇ ਪੈ ਗਈਆਂ ਹਨ ਅਤੇ ਕੇਜਰੀਵਾਲ ਦੀ ਮੁਫ਼ਤ ਬਿਜਲੀ ਯੋਜਨਾਂ ਨੂੰ ਫਲਾਪ ਕਰਾਰ ਦੇ ਰਹੀਆਂ ਹਨ। ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਤਾਂ ਇੱਥੋਂ ਤੱਕ ਕਹਿ ਦਿੱਤਾ ਕਿ, ‘ਨਾ ਤਾਂ ਕੇਜਰੀਵਾਲ ਪੰਜਾਬ ਅਜਿਹਾ ਐਲਾਨ ਕਰਨ ਲਈ ਕੋਈ ਅਥਾਰਟੀ ਹੈ ਅਤੇ ਨਾ ਹੀ ਕੇਜਰੀਵਾਲ ਪੰਜਾਬ ਦਾ ਕੁੱਝ ਲੱਗਦਾ ਹੈ।’

New Bill set to amend the Electricity Act, end licence raj in power supply  | Business Standard News

ਸੁਖਬੀਰ ਬਾਦਲ ਨੇ ਪ੍ਰੈਸ ਕਾਨਫਰੰਸ ਦੌਰਾਨ ਬੋਲਦਿਆਂ ਕਿਹਾ ਕਿ, ‘ਜੇ ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਦੀ ਵੀ ਹੈ ਤਾਂ ਇਸ ਦੀ ਗਰੰਟੀ ਕੌਣ ਲੈਂਦਾ ਹੈ ਕਿ ਉਹ ਕੇਜਰੀਵਾਲ ਦੇ ਵਾਅਦਿਆਂ ਨੂੰ ਪੂਰਾ ਕਰੇਗਾ। ਸੁਖਬੀਰ ਬਾਦਲ ਨੇ ਇਲਜ਼ਾਮ ਲਾਇਆ ਕਿ ਕੇਜਰੀਵਾਲ ਆਪਣੇ ਸੂਬੇ ਦਿੱਲੀ ਵਿੱਚ ਕਿਸਾਨਾਂ ਤੋਂ ਬਿਜਲੀ ਦੇ ਬਿੱਲ ਵਸੂਲ ਰਿਹਾ ਹੈ ਜਦਕਿ ਪੰਜਾਬ ਦੇ ਕਿਸਾਨਾਂ ਨੂੰ ਮੁਫਤ ਬਿਜਲੀ ਵੰਡਣ ਦੇ ਝੂਠੇ ਦਾਅਵੇ ਕਰ ਰਿਹਾ ਹੈ।

ਸੁਖਬੀਰ ਸਿੰਘ ਬਾਦਲ ਨੇ ਇਸ ਦੌਰਾਨ ਕੇਜਰੀਵਾਲ ਨੂੰ ਇੱਕ ਵਾਰ ਫਿਰ ਤੋਂ ਫਰਾਡ ਕਹਿ ਕੇ ਸੰਬੋਧਨ ਕੀਤਾ ਹੈ। ਸੁਖਬੀਰ ਬਾਦਲ ਨੇ ਇਲਜ਼ਾਮ ਲਾਇਆ ਕਿ ਦਿੱਲੀ ਵਿੱਚ ਬਿਜਲੀ ਦੇ ਰੇਟ ਪੰਜਾਬ ਤੋਂ ਕਿਤੇ ਮਹਿੰਗੇ ਹਨ ਜਦਕਿ ਕੇਜਰੀਵਾਲ ਹਰ ਸਮੇਂ ਬਿਜਲੀ ਸਸਤੀ ਦਾ ਰਾਗ ਅਲਾਪ ਰਿਹਾ ਹੈ। ਇਸ ਦੌਰਾਨ ਸੁਖਬੀਰ ਬਾਦਲ ਦੇ ਨਿਸ਼ਾਨੇ ਤੇ ਨਵਜੋਤ ਸਿੰਘ ਸਿੱਧੂ ਵੀ ਰਹੇ ਹਨ।

ਸੁਖਬੀਰ ਬਾਦਲ ਨੇ ਕਿਹਾ ਕਿ ਨਵਜੋਤ ਸਿੱਧੂ ਇੱਕ ਰਾਹ ਭਟਕੀ ਹੋਈ ਮਿਸਾਇਲ ਵਾਂਗੂ ਹਨ ਜਿਨ੍ਹਾਂ ਦਾ ਇਹ ਵੀ ਨਹੀਂ ਪਤਾ ਕਿ ਕਦੋਂ ਕਿਥੇ ਕਿਸ ਉਪਰ ਆ ਡਿੱਗਣ। ਉਨ੍ਹਾਂ ਕਿਹਾ ਕਿ ਜਿਹੜੇ ਦੋ ਚਾਰ ਡਾਇਲਾਗ ਸਿੱਧੂ ਨੇ ਰਟੇ ਹੋਏ ਹਨ। ਉਹੀ ਡਾਇਲਾਗ ਸਿੱਧੂ ਸੋਨੀਆ ਗਾਂਧੀ ਮੋਦੀ ਕੈਪਟਨ ਸਭ ਲਈ ਵਰਤਦਾ ਰਹਿੰਦੇ।

Click to comment

Leave a Reply

Your email address will not be published.

Most Popular

To Top